Felles fjellrev lea rádjerasttildeaddji prošeakta ulbmiliin gádjut ovtta min eanemusat uhkiduvvon njiččehasaid – njála. Prošeakta lea leamaš jođus vihtta gearddi ja dál bargu lea fas álggahuvvon go lea ožžon ođđa ruhtadeami EU Interreg Auroras. Prošeakta lea jođus gitta golggotmánnui 2026.
Felles Fjellrev lea dárogiella ja mearkkaša “oktasaš njála”, mii lea prošeavtta vuolggasadji. Duoddariin Ruoŧas, Norggas ja Suomas njálat lihkket eastagiid haga riikarájiid rastá ja min oktasaš ulbmil lea ahte njálapopulašuvdna galgá šaddat gievrrabun ja ahte njálat galget leavvat daid duottarguovlluide gos oktii elle.
Jus galgá čuovvut njála ovdáneami gáibiduvvo riikkaidgaskasaš lonuheapmi dieđuin ja máhtuin. Prošeakta ovttastahtto Leanastivrras Norrbottenis ja čađahuvvo stuorra loguin báikkálaš beallelaččaiguin. Ovttas mii dievasmahttit guhte guimmiid ja ráhkadit fierpmádaga máhttovuođuin mii lea hirbmat mávssolaš bargui veahkehit njálaid.
Prošeavtta áiggi mii boahtit earret iežá geavahit GPS-sáddejeddjiid, DNA-iskosiid baikkain ja meahcceeallekameráid dokumenteren dihte got njálat lihkket. Dat addá maid vejolašvuođa árvvoštallat doaibmabijuid mat leat jođus ovdamearkka dihte daid sajustemiid njálain mii dahkko Norggas sihke Suoma ja Ruoŧa rájiid lahka. Loga eanet prošeavtta doaimmaid birra dás.
